Развојот на вештачката интелигенција се забрзува со неверојатна брзина, поместувајќи ги границите на технологијата и создавајќи и восхит и страв.

Додека компаниите постојано инвестираат во иновации, регулативите сè уште бавно се приспособуваат. На Капитол Хил, законодавните дискусии дојдоа до блокади додека тековниот конгресен состав се приближува кон крајот.

Што не чека кога вештачката интелигенција ќе почне да носи свои одлуки?

Шмит, во интервју за „This Week“ на "ABC", посочи дека наскоро би можеле да имаат системи кои сами одлучуваат што сакаат да прават. Можеби ќе се најдеме во ситуација кога ќе биде потребно некој да ја држи раката на прекинувачот“, посочи тој. Тој, исто така, се запраша дали таков систем воопшто може да биде запрен ако тој самостојно одлучи да му се спротивстави.

Тој нагласи дека моќта на овие системи ќе значи дека секој поединец ќе има „еквивалент на полиматичар во својот џеб“. Сепак, последиците од дозволувањето таква моќ на секој човек остануваат непредвидливи. „Сè уште не знаеме што значи да се стави толку многу моќ во рацете на поединци“, додаде Шмит.

Експертите ширум светот ја делат загриженоста на Шмит. Постои консензус дека најнапредните модели на вештачка интелигенција би можеле да работат на ниво на докторат веќе следната година, додека за една или две години ќе можат самостојно да спроведуваат истражување.

Трка меѓу Западот и Кина

Шмит изрази загриженост за брзиот напредок на Кина во овој технолошки сектор. Иако претходно мислеше дека технологијата во САД е неколку години пред Кина, во изминатите шест месеци Кина постигна „неверојатен напредок“. „Клучно е Америка да победи во оваа глобална трка, особено пред Кина“, нагласи тој.

Како можни решенија, тој предложи два клучни чекори: обезбедување финансиски средства, хардвер и стручен кадар за западните земји и создавање втор систем за надгледување на првиот. „Луѓето нема да можат да ја контролираат вештачката интелигенција, но вештачката интелигенција може да се контролира себеси“, заклучил Шмит.