Во новата епизода на „Нешто конкретно“ зборуваме за жената, како таа се сака и како се почитува. Ќе ги слушнеме и двете страни - машката страна која ќе ги сподели своите искуства и женската страна кој ќе каже какви се очекувањата од посилниот пол. Гости во студиото се Антонија Гиговска, Јанаки Митровски, Љупка Митрова и Даце Николовски.
Антонија смета дека постојат жени кои ги воодушевуваат скапи подароци, свесна е за тоа, но таа не е една од нив. Додека другата претставничка на понежниот пол, Љупка Митрова, вели дека добива внимание, но и скапи подароци, едното со другото оди, изјави таа.
Јанаки Митровски сподели дека тој сака да подарува, но неговата сопруга била толку скромна што кога ќе излезе на шопинг се враќала со повеќе пари од претходно.
Зборувавме и за тоа дали жената ја прават градите и задникот или таа повеќе привлекува со интелигенцијата. Ќе слушнеме кој водел љубов на незгодни места, дали сопругот мора да се сеќава на важните датуми и ќе прашаме дали мажот може да сака повеќе жени истовремено.
Мажите се согласија дека верноста на жената е нивна заслуга односно дека ако си напишеш „домашно“ жената ќе остане верна. А Љупка додаде дека ако фати „суша“ жената си ги пакува куферите и си оди. Антонија пак призна дека нејзиниот сопруг Роберт не верувал во песната „Жена“ и сметал дека е монотона.
Гледајте „Нешто конкретно“ со Снеже Велков секоја недела во 17.00 часот на Телма.
