Исто така, за болката побрзо да исчезне, во исхраната можат да се додадат неколку видови храна и пијалаци кои ќе помогнат во побрзото закрепнување. Диететичарот Роксана Ехсани во разговор за порталот „Eating Well“ издвои неколку од најдобрите опции на храна и пијалаци за консумирање при болки во мускулите.

Лосос

„Мрсните риби, како што е лососот, изобилуваат со бројни здравствени придобивки, вклучувајќи ги и омега-3 масните киселини“, потенцира Ехсани.

Според резултатите од истражувањето објавени во списанието „Sports Medicine“ консумирањето на омега-3 после вежбање може да ја намали болката и воспалението во мускулите. Филето од лосос (85 грама) содржи околу 23 грама протеини и значително количество на витамин Д.

Сок од вишни

Сокот од вишни може да помогне во релаксацијата и закрепнувањето по напорни физички активности.

Според анализата од 2021 година, објавена во „International Journal of Sport Nutrition and Exercise Metabolism“, сокот од вишни може да ги намали болката и воспалението, како и да го забрза закрепнувањето на мускулите, пишува „Eating Well“.

Ф’стаци

Диететичарката објаснува дека „консумирањето на јаткасти плодови, како што се ф’стаците, после тренинг може да придонесе за закрепнувањето на мускулите“.

Истражувањето од 2022 година објавена во списанието „Metabolism Open“ покажа дека ф’стаците ја намалуваат болката во мускулите кај спортистите. Овој тип на јаткасти плодови ги содржи сите девет есенцијални аминокиселини, што ги прави ф’стаците комплетен извор на растителни протеини.

Кафе

Една шолја кафе покрај тоа што може да ве разбуди, според истражувањето објавено во „Bulletin of the National Research Centre“, таа може да помогне и за намалувањето на болката во мускулите по тренингот.

„Кофеинот го намалува чувството на замор и болка, а некои студии покажуваат дека комбинирањето на кафе со јаглехидрати, како банана или чинија овесна каша, може побрзо да ја обноват енергијата“, објаснува диететичарката Роксана Ехсани.

Спанаќ

Една шолја варен спанаќ обезбедува околу половина од дневните потреби за магнезиум (помладите и возрасните лица дневно треба да внесуваат од 300 до 400 милиграми), минерал важен за закрепнувањето на мускулите.

Според истражувањето од 2022 година објавено во „Journal of Strength and Conditioning Research“, консумацијата на магнезиум значително ја намалува болката и го забрзува закрепнувањето.

Сок од цвекло

Цвеклото може да ги подобри спортските перформанси и да ја намали болката во мускулите поради нитратите кои делуваат како вазодилататори во телото.

Истражувањата од 2021 година објавени списанието „Sports Health“ покажуваат дека консумирањето сок од цвекло пред тренинг може да ги подобри перформансите и да го намали воспалението.

Свежо сирење

Свежото сирење може да биде одличен избор за оброк пред спиење.

Истражувањето од 2020 година објавено во „Physical Activity and Nutrition“ покажа дека консумирањето казеин, протеин кој примарно се наоѓа во свежото сирење, 30 минути пред спиење може да го забрза закрепнувањето на мускулите.