Научниците од Универзитетот Харвард спроведоа истражување кое откри дека астероид кој удрил во Земјата пред 3,26 милијарди години можеби предизвикал ран живот на нашата планета.
Научниците ги анализирале остатоците од џиновски метеори во Јужна Африка за да ги испитаат ефектите на истите врз раниот живот на Земјата.
Истражувањето истакна дека метеорот "S2", 50 до 200 пати поголем од метеорот што го предизвикал изумирањето на диносаурусите, ја погодил Земјата пред околу 3,26 милијарди години.
Во истражувањето е наведено дека постојат докази дека ударот на тој метеор предизвикал големо уништување на Земјата, но дека помогнал и за развој на раниот живот, а ударот предизвикал и цунами и делумно испарување на океаните.
Студијата забележува дека ефектот од ударот ширел фосфор во околината, а цунамито донело длабоки води богати со железо на површината, што можеби предизвикало живот на Земјата.
Професорот од Универзитетот Харвард и водач на истражувачкиот проект Надја Драбон рече дека преовладува мислењето дека ударите од метеори носат катастрофа за живот, но дека нивната студија покажува дека овие удари би можеле и да овозможат развој на живот на Земјата.
Драбон истакна дека наодите придонесуваат за идејата дека метеорите кои ја погодиле Земјата предизвикале развој на раниот живот.
„Изгледа дека животот по ударот нашол поволни услови што му овозможиле да процвета“, вели Драбон.
Резултатите од истражувањето беа објавени во списанието „Proceedings of the National Academy of Sciences (PNAS)“.
