Состојки:

150 гр печени лешници

300 гр мелен бисквит

пакување темни кори за колачи 700 гр

200 гр шеќер во прав

600 гр кисела павлака

5 кесички шлаг (околу 250 гр или можете да користите и слатка павлака)

300 мл кисела вода

700 мл чоколадно млеко

Подготовка:

Прв фил: Измешајте павлака и шеќер, па додадете мелени бисквити и лешници. Во овој фил додадете 5 лажици шлаг, односно одвојте го од вториот фил.

Втор фил: Изматете го шлагот со кисела вода.

Фил: Избоцкајте ја кората со чепкалка за подобро да се впие чоколадното млеко. Натопете ја кората со многу чоколадно млеко, бидете трпеливи додека не се впие. Покријте со фил од лешник, а потоа со шлаг. Ставете ја втората кора, избоцкајте ја, натопете ја во чоколадно млеко...и така до крај.

Третата или последната кора прободете ја и натопете ја во чоколадно млеко. За премачкување на горната кора и страните користете неколку лажици фил од лешник измешан со 2-3 лажици шлаг. Колачот го измазнувате колку што можете и го ставате во фрижидер неколку часа или до следниот ден. Потоа украсувате.