Приватниот живот на Џенифер Анистон денеска е ставен на втор план. Како жена која го доживеала најголемото понижување од сопругот, денес е среќна што не е во фокусот на медиумите
Џенифер Анистон има 55 години, кариера на една од најплатените ѕвезди во Холивуд. Се шушка дека е најскапоцениот гостин на свечените настани, а кога ќе се појави камерите полудуваат.
Таа беше една од најдобро облечените жени на Еми наградите. Во бисерен фустан од Оскар де ла Рента, таа покажа совршено тело, негувана кожа, нокти, коса...
Џенифер Анистон на прв поглед има се, но...
Никој не може да заборави како го доживеала изневерувањето од сопругот. Најблиската личност јавно ја изневеруваше и исмејуваше пред милиони луѓе ширум светот. Од 2005 година до денес е позната како изневерена жена.
Имено, за време на снимањето на филмот „Госпоѓа и господин Смит“, нејзиниот сопруг Бред Пит се заљубил во Анџелина Џоли и покрај тоа што веќе пет години бил во хармоничен брак со Џенифер Анистон.
Парот веројатно не можел да има деца, но и не брзале. Решиле да и дадат шанса на кариерата, па ќе чекаат со децата - има време.
Но, тогаш се појави Анџелина, жена која знаеше што сака и во тој момент го посакуваше Бред Пит. За една година, шпекулациите дека Бред Пит ја засакал колешката го обиколија светот. Џенифер Анистон немала друг избор освен да се соочи со својот сопруг, што резултирало со развод.
Во следните години таа помина низ агонија. Бред Пит и Анџелина Џоли стануваат златна двојка на Холивуд, а нивната „бајка“ добива светски тиражи. Каде и да се појавија, веднаш станаа атракција. Од сите страни им доаѓале договори за филмови, а љубовната идила ја завршиле со 3 биолошки деца, додека 3 биле посвоени.
Џенифер Анистон го гледаше сето ова и се обидуваше да стигне на безбедно. Снимила филм за прељубата, го пронашла жешкото момче Џастин Теру, се омажила за него и набрзо повторно се развела.
За сето тоа време, секој месец, новинарите шпекулираа дали Џенифер Анистон е бремена или не. А дури неодамна излезе со приказна за тоа како со години неуспешно се обидувала да забремени.
Кога Бред Пит се разведе од Анџелина на најскандалозниот можен начин и едвај ги преживеа нејзините обвинувања за злоупотреба на деца и алкохолизам - Џенифер Анистон беше таму за да го поддржи во неколку наврати.
Беше јасно дека таа се води од политиката на „доброто враќање за добро“. Не, таа не се помири романтично со Бред Пит, но направи нешто уште подобро - на целиот свет му покажа дека може и ќе му прости на човекот кој и направи најголема штета.
Недолго потоа, нејзиниот втор поранешен сопруг Џастин Теру повторно се ожени, а таа јавно му честиташе по тој повод, посакувајќи му се најдобро.
Ако се прашувате која е новата љубов на Џенифер Анистон, ќе ви кажеме - нејзините три кучиња.
Актерката призна дека најголемата љубов ја добила од домашните миленици и дека тие се нејзините омилени суштества на планетава.
