„Не постои диета која не сум ја пробала, апчиња за слабеење кои не сум ги зела“, признава Џамила Џамил, британска водителка која денес плаќа висока цена за своите постапки во детството и раната младост.
Сè започнало со еден непромислен училиштен „проект“ во кој малата Џамила се мери на вага пред целото одделение. Оттогаш, вели таа, станала опседната со својот изглед и телесната тежина.
„Мислам дека поминав години проверувајќи во огледало дали мојот стомак е рамен“, ги открива водителките своите маки. Постојано земала лаксативи за да ја исфрли и таа малку храна што ја јадела.
„Ја уништив густината на коските, ги оштетив бубрезите, црниот дроб, дигестивниот систем, срцето“, вели Џамила.
„Почнав да јадам малку поредовно кога имав 19 години, но секогаш се трудев да останам слаба“, признава таа. „Слабоста е еден вид асимилација, особено за жените, јас бев водителка со скратено работно време, а мојата работа со полно работно време беше диетата.
„Не можам да замислам полоша работа за некој кој веќе има историја на нарушувања во исхраната, бидејќи во шоу-бизнисот мора да бидеш слаб. Друга можност е да се истакнете со тоа што не сте слаби и тоа да биде вашиот единствен идентитет – тогаш сите зборуваат за тоа“.
Денес, Џамила жали што ја загрозила својата иднина обидувајќи се да достигне некој стандард на убавина. Жал ми е за моето тело“, вели водителката. „Затоа толку многу зборувам за опасностите од нарушувањата во исхраната и диетите – сите зборуваат за дебелината, но речиси никој не предупредува колку е опасно кога некој не јаде доволно.“
