Во Белград започна снимањето на новото продолжение на познатата серија „Жикина династија“ во режија на Милан Коњевиќ, а по сценарио на Милена Марковиќ.
Во новиот филм со наслов „Враќањето на династијата на Жика“ главната улога ја игра Никола Којо, кој по повеќе од 30 години го враќа ликот на Миша Павловиќ.
Синовите на Миша, кои одамна ги нема видено, доаѓаат во Србија од Москва, каде што живеат со Наташа. Но, кога ќе пристигнат, момчињата кои ги носат имињата на нивните прадедовци Жика и Милан, започнува нова луда година, полна со смеа, авантури и семејни вредности.
Од старите ликови се и Весна Чипчиќ како Фрау Елза и Владимир Петровиќ како Боба, таткото на Миша.
Правнуците на легендарните ликови ќе бидат во фокусот на новиот филм, а новиот Жика ќе биде Никола Брун, додека Милан ќе го игра Гаврило Иванковиќ. Една од главните улоги ќе ја толкува познатата манекенка и водителка Данијела Димитровска, која ќе ја толкува својата прва филмска улога.
Филмот се снима на локација во Белград, Панчево и Златибор. Премиерата е планирана за есента 2025 година.
Луда година“ е полнокрвно, ново продолжение на познатата домашна серија „Жикина династија“, но е и еден вид нов почеток, продолжување на приказната, освежување со нови ликови и заплети. Значи, „Луда година“ ги следи најновите светски трендови, па истовремено е и „продолжение“ и „рестартирање“. Во центарот на приказната е внукот на Жика, Миша, повторно во интерпретација на Никола Којо. Сега тој е татко на две момчиња, од кои едното е на прагот на лудите години. Покрај тоа, Миша е човек кој и самиот е на одреден пресврт во животот и наскоро ќе се најде во центарот на голема, урнебесна авантура со своите синови – изјавил Милан Коњевиќ.
Филмот треба да се појави во кината есента 2025 година.
