Актерката и инфлуенсерка Несрин Санад привлекува внимание со својот изглед каде и да се појави, а медиумите поради нејзината убавина ја нарекоа новата Моника Белучи.
На неодамна одржаниот фестивал во Венеција, Несрин блесна во црн фустан со потпис на хрватската дизајнерка Александра Дојчиновиќ.
Нејзините фотографии и снимки го обиколија светот и таа заврши во бројни модни списанија како една од најдобро облечените актерки на фестивалот.
Несрин е инаку Египќанка која со години живее во Хрватска. Класичната убавина и долгогодишната кариера во манекенството ја доведоа до нејзините први филмски улоги и статусот на светска инфлуенсерка.
За време на нејзината богата кариера, таа соработуваше со брендови како „Chanel“, „Gucci“ и „Cartier“.
На Инстаграм оваа убавица моментално ја следат речиси половина милион луѓе од целиот свет.
