Ова популарно овошје може да се јаде свежо или од него може да се прават мармалади, сокови, оцет, вино, желе, суво грозје. Статистика покажува дека дури 71% од светското производство на грозје завршува во облик на вино.

Не се препорачува на лица кои имаат проблеми со дијабетес

Шеќерот којшто се наоѓа во грозјето е прост шеќер, којшто лесно се разградува и употребува во организмот. Грозјето според гликемискиот индекс има вредност од 43 – 53, што го прави да биде високогликемиска храна, а како таква не се препорачува на лица со дијабетес.

Меѓутоа и семките од грозјето имаат својата нутритивна вредност, имено од нив преку посебна постапка се цеди масло коешто содржи фитохемикалии, танин, полифенол и полинезаситени масни киселини коишто се корисни за здравјето.

Консумирањето на грозјето исто така влијае врз намалувањето на ризикот од артериосклероза, намалувањето на холестеролот, има противвоспалително дејство, го регулира крвниот притисок и ги подобрува менталната и физичката способност особено кај старите лица. „Покрај ова, грозјето е добро и за прочистувањето на стомакот, а ја поттикнува работата на бубрезите и црниот дроб“, вели нутриционистката Јасна Вујичиќ.

Како да купите добро грозје?

Кога купувате грозје одберете го она коешто е потполно зрело, бидејќи тогаш грозјето го содржи целото богатство од фитонутриенти. Одбегнувајте го она грозје со исушено стебло, како и она со оштетена мембрана, исто така грозјето не треба да мириса на алкохол, па така искористете го она што ви го нуди летото и одберете го најдоброто – свежото грозје.

Потеклото и видовите грозје

Грозјето води потекло од централна Азија, а уште старите Египќани, Грци и Римјани одгледуваа винови лози, јадеа грозје и правеа вино од него. Грозјето се разликува според сортите. Камен сортите се јадат во свежа состојба, и имаат тенка мембрана, поголеми гроздови и поситни семки, а процентот на шеќер содржан во нив при нивната берба изнесува околу 15%.

Винските сорти имаат подебела мембрана, поситни гроздови и покрупни семки, бидејќи аромата на виното настанува токму во мембраната. Исто така при бербата на винските сорти грозје, процентот на шеќер во грозјето е значително повисок и изнесува околу 24%.