Проблемите во бракот на Бен Афлек и Џенифер Лопез започнале уште на нивниот меден месец на езерото Комо во Италија, откри близок извор за „Page Six“.
Медениот месец на парот вклучуваше бројни јавни излегувања исполнети со искажувања нежности кои камерите ги забележаа.
„Нему му пречеше тоа што папараците ги следеа. Таа е меѓународна суперѕвезда, а тој се однесуваше како да е изненаден што ги следат“, рекол изворот. „Тие едвај зборуваа еден со друг во текот на она што требаше да биде најсреќниот период во нивниот живот. Тој ја уверуваше дека се променил, но тоа траеше кратко“, тврди извор близок до нив.
Друг извор изјави за „Page Six“ дека Афлек конечно се вразумил затоа што бил трезен подолго време. „Кога повторно почнаа да се гледаат, тој почнуваше да биде трезен. Беше во ранлива состојба, а нивнaта хемија дополнително влијаеше на тоа... Беше во бурна, возбудена состојба", рекол изворот. Афлек во минатото отворено зборуваше за своите проблеми со алкохолот. Наводно, последен пат бил на рехабилитација во 2018 година.
Брзата романса брзо избледе откако тој се приспособил на трезниот живот. Актерот почнал да копнее за поголема приватност и повеќе не можел да се справи со нивото на слава на Лопез. И покрај тоа, тие тврдат дека сепак ги земал предвид нејзините чувства. Го опишале како „многу заштитнички настроен кон неа“, што влијаело на неговата одлука да го одложи барањето за развод.
За потсетување, Лопез во вторникот во Лос Анџелес поднесе барање за развод на нивниот 2-годишен брак, што се поклопува со годишнината од нивната венчавка во Рајсборо, Џорџија во 2022 година. Разводот дојде по неколкумесечни шпекулации за брачните проблеми.
