Корисниците на социјалните мрежи останале шокирани откако некој ја објавил цената на наполитанките Краш во една продавница за која пишуваат дека се наоѓа во Хрватска.
„Ова е луда цена, кој може да си го дозволи тоа“, „Па ние како деца постојано го јадевме ова, сега ти треба кредит за да купиш наполитанки“, се нижат коментари на социјалните мрежи и на Редит.
Авторот на еден коментар навел дека цената на тие наполитанки во Германија е 5 евра. „Значи, речиси двојно поевтино отколку во земјата во која се произведуваат“, напишал тој.
Многумина пишуваат дека се навикнати дома да имаат наполитанки, но додаваат и дека повеќе би сакале по овие цени, пред себе да имаат некое „конкретно парче месо“, пишува „24 Sata“.
Така, килограм наполитанки во оваа продавница чини 17,38 евра, додека килограм јагнешко во поголемите продавници во Хрватска може да се најде од 11 до 13 евра, додека килограм пилешки батаци е околу 4 евра.
Цел оброк, кој содржи килограм месо и најмалку компири, чини колку две кутии од овие наполитанки.
Да потсетиме, растот на цената на какаото веќе подолго време го иницира и растот на самите цени на чоколадото, па во јуни Хрватите веќе најавија поскапување на омилените слатки.
Од Краш тогаш потврдија дека поради отежнатите околности биле принудени да ги коригираат цените на нивните производи кои содржат какао. Овие корекции се направени во согласност со уделот на какао деловите во содржината на поединечни категории на производи.
