Дијагностицирањето на дијабетес тип 2 може да биде збунувачко, одеднаш постојат нови правила во исхраната до кои поединци мора да се придржуваат за својата здравствена состојба да ја држат под контрола.
Освен тоа, познавањето на правилата во врска со овошјето може да биде особено тешко да се фати. Од една страна, на лицата со дијабетес 2 експертите им препорачуваат да избегнуваат храна со висок удел на шеќер. Од друга страна, овошјето е моќен извор на многу важни нутриенти.
За да се разјасни забуната, ендокринологот д-р Ендру Тимоти Крафтсон го споделил она што сака сите луѓе кои боледуваат од дијабетес да го знаат за овошјето.
Тој вели дека луѓето со дијабетес не треба да го избегнуваат овошјето.
„Овошјето е важен извор на растителни влакна, витамини и хранливи материи и не треба да го избегнуваат лицата со дијабетес“, изјавил тој.
Исто така, истражување од 2022 година покажало дека луѓето кои секојдневно јадат овошје имаат 48 отсто помал ризик од дијабетес од луѓето кои не јадат овошје.
Лицата со дијабетес треба да следат неколку насоки кога станува збор за консумирањето овошје.
Иако овошјето е добар извор на растителни влакна и други хранливи материи кои му се потребни на телото, д-р Крафтсон истакнува дека вистина е дека тоа може да го зголеми нивото на шеќер во крвта на што луѓето кои боледуваат од дијабетес треба да бидат внимателни.
Поради тоа тој спомнал дека лицата со дијабетес треба да следат неколку насоки кога станува збор за консумирањето овошје.
Прво, тој советува овошјето да го јадат цело, наместо во облик на сок или смути.
Доколку имате дијабетес и сте љубители на овошје, д-р Крафтсон наведува дека најдобро е да консумирате овошје со низок гликемиски индекс.
„Овошјето кое подолго се вари се категоризира како овошје со низок гликемиски индекс. Овошјето кое брзо се вари се категоризира како овошје со висок гликемиски индекс. Храната со висок гликемиски индекс вклучува овошје со висок гликемиски индекс, а може за кратко време да го зголеми нивото на шеќер во крвта“, објаснил д-р Крафтсон.
Листа на овошје со низок гликемиски индекс:
- цреши;
- лимон;
- грејпфрут;
- јагоди;
- малини;
- боровница;
- шипка;
- круша;
- свежи смокви;
- портокал;
- грозје;
- праска;
- слива;
- банана;
- брусница;
- суви сливи;
- јаболко.
