Според Фенг Шуи упатствата и народните верувања, подобро е да не ги чувате овие работи во вашата куќа. Наводно, носат несреќа или ја задржуваат лошата енергија во домот.

Според верувањата на Фенг Шуи, ви ги претставуваме работите кои во домаќинството носат беда и сиромаштија и не треба да се чуваат:

Скршен часовник

Според Фенг Шуи, скршените работи треба да се исфрлат од домот, а особено искршените часовници. Тие наводно укажуваат на немили настани во иднина.

Црна врата

Кинеското верување вели дека црната врата повикува на лоша среќа во вашиот дом, но не и доколку е свртена на север.

Стар календар

Доколку не сте ја свртеле страницата на тековниот месец или доколку вашата ознака за датум останата е на погрешно место, тоа не е добро, вели едно старо суеверие. Календарот е симбол на текот на времето, а доколку го користите на погрешен начин, наводно може да има негативно влијание врз вашиот живот.

Скршени садови

Садовите, според кинеското верување, симболизираат богатство и семејство. Доколку јадете од скршени чинии, потсвесно ги повикувате проблемите во вашиот живот. Затоа, кога нешто ќе напукне – фрлете го.

Кактуси и билки со трња (освен рози)

Внесуваат негативна енергија во домот.

Мртви растенија

Исто како и вештачките цвеќиња, се смета дека носат лоша среќа, па според Фенг Шуи и тоа треба да се исфрли од домот – што побрзо.

Бршлен

Старото верување е дека отровниот бршлен кој лази покрај куќата носи лоша несреќа.