Францускиот претседател Емануел Макрон покажал дека знае да прифати шега на своја сметка, па хумористично изреагирал на бројните шеговити монтажи на социјалните мрежи. Главна тема на мемињата-неговите фотографии со бразилскиот претседател Луиз Инасио Лула да Силва, во текот на посетата на Бразил.
Макрон на платформата „X“ напишал дека некои ги споредиле неговите фотографии од Бразил со фотографии од венчавка, а дека тој им одговара со „Франција го сака Бразил, а Бразил ја сака Франција“.
Макрон реагирал на монтажите со постер за американскиот романтичен филм „Ла Ла Ленд“ од 2016-та година, во кој главните актери Ема Стоун и Рајан Гослинг се заменети со негова и фотографија од Лула, пренесува „Figaro“.
Certains ont comparé les images de ma visite au Brésil à celles d’un mariage, je leur dis : c’en était un ! La France aime le Brésil et le Brésil aime la France !
— Emmanuel Macron (@EmmanuelMacron) March 28, 2024
Merci, cher @LulaOficial, chère @JanjaLula, merci à tous les Brésiliens que j’ai pu rencontrer, pour votre accueil.… pic.twitter.com/cXfeEuYXBQ
На монтажата се гледа дека шефовите на двете држави се шетаат рака под рака во шумите на Амазонија.
Лула на објавата на Макрон одговор со емоџи со две знамиња и две мали срца.
Како што оценува британски „Guardian“, патувањето на Макрон повеќе личел на романтичен одмор отколку на меѓународна дипломатија.
На една фотографија објавена на социјалните мрежи на 78-годишниот Лула, двајцата лидери може да се види како се држат за раце на чамец додека гледаат во реката Гуама. Во друга, изгледа дека безгрижно се движат додека се држат за раце во Амазонската прашума.
Корисниците на социјалните мрежи ги споредиле сликите со веренички фотографии или сцени од романтични комедии.
„Лула и Макрон се фотографираат пред венчавка, ќе се венчаат во Амазонија, а медениот месец ќе биде во Париз“, напишал еден корисник на „X“, претходно „Twitter“.
Macron and Lula look like they just got married and are having a whirlwind honeymoon. pic.twitter.com/urcx8UCpen
— Sir Humphrey 🇺🇦 (@bdquinn) March 27, 2024
„Гледам дека пристигнува нова божиќна честитка од семејството Макрон/Лула“, напишал Иан Бремер, основач на консултантската компанија за политички ризик „Eurasia Group“.
Макрон од вторникот е во тридневна официјална посета на Бразил, во текот на која со Лула се сретнал во амазонските шуми, а после тоа, со шеговити коментари, на интернет биле објавени неколку монтирани фотографии од шефовите на двете држави, чии фотографии биле објавени во главно на официјалните профили на Лула.
Првата официјална посета на Макрон на Бразил е продолжена во Сао Пауло, а потоа во Бразилија.
Срдечноста која ја покажале двата лидери е во спротивност на студените односи меѓу Емануел Макрон и поранешниот бразилски претседател Жаир Болсонаро, наведува „Figaro“.
Macron And Lula look like they're taking engagement photos pic.twitter.com/iGaS1RTb6E
— Andy Kaczynski (@KFILE) March 27, 2024