Глазираниот лосос се маринира со балсамико оцет, мед, малку бело вино и сенф. Се добива навистина специфичен вкус.

Состојки

– 60 мл балсамико оцет;

– 30 мл бело вино;

– 2 лажици мед;

– 1 лажица сенф;

– 1 гранче рузмарин;

– 1 чешне лук, мелено;

– 170 грама филе лосос без кожа;

– сол и бибер;

– 2 лажички маслиново масло;

– ситно мелен рузмарин или магдонос, за украс (по избор);

Подготовка

Оставете го лососот да отстои 10-15 минути на собна температура. Во меѓувреме, во средно тенџере измешајте ги балсамико оцетот, белото вино, медот, сенфот, рузмаринот и лукот. Загрејте ја смесата на средно-силен оган и доведете до вриење, а потоа намалете ја топлината и динстајте додека сосот не се згусне и намали, околу 10-15 минути повремено мешајќи. Тргнете го од оган и сипете низ цедалка во сад отпорен на топлина. Оставете настрана.

Зачинете ги двете страни на лососот со сол и бибер. Загрејте го маслото во тава на средна топлина. Додадете ги филетите од лосос и пржете додека лососот не порумени, околу 3-4 минути. Внимателно свртете го лососот на спротивната страна и продолжете да динстате уште 2-3 минути додека лососот не се испече.

Сервирајте топло и прелијте ја глазурата од балсамико врз секое филе. По желба украсете со ситно мелен рузмарин или магдонос.