Доколку немате многу време за подготовка на оброк, направете брзи плескавици од компир и сирење. Станува збор за оброк без месо, но бескрајно вкусен и економичен.

Потребни ви се малку пари и уште помалку време, а ќе добиете ручек којшто може да го јадете со малку салата кој ќе ве воодушеви со вкусот.

Состојки:

- 800 грама компири;
- 100 грама тврдо сирење;
- 2 јајца;
- Една лажица брашно;
- Сланина по желба;
- Малку магдонос.

Подготовка:

1. Компирот излупете го, изрендајте го, па исцедете го.

2. Тврдото сирење изрендајте го, а потоа додадете го во компирот и зачинете по желба.

3. Додадете ги изматените јајца.

4. Помешајте, додадете по желба сланина, малку магдонос, а потоа и брашно.

5. Од смесата направете плескавици кои ќе ги испржите на загреано масло, сѐ додека не станат златни.

Пријатно јадење!