Кејт заблеска на парадата во елегантно издание: Магнетски привлекувала погледи во фустанот со скапоцени камења

Во оваа прилика секогаш се одржува и свечена парада и британското кралско семејство се обединува на балконот на Бакингемската палата од каде ги поздравуваат присутните. Ова е најсвечениот ден во годината за кралското семејство и нивните модни изданија и однесување секогаш се следат со голем интерес и внимание.

Принцот и принцезата од Велс со децата по обичај биле во фокусот на вниманието, па повеќето погледи биле насочени токму кон нив. Кејт Мидлтон блескала во извонредна модна комбинација и боја која одлично ѝ прилега.

Убавата Британка се определила за ведра, впечатлива нијанса на зелена боја која одлично ѝ одговара на нејзиниот тен и коса.

Принцезата се определила за капут-фустан со миди должина, со потпис на сингапурската модна куќа „Andrew Gn“, со сатенски рабови и рачно изработени копчиња од сини скапоцени камења. Самиот крој совршено ѝ прилегал на Кејт, истакнувајќи ја нејзината витка фигура и давајќи ѝ поубава и помоќна силуета благодарение на нарамениците.

Таа ја заокружила целата комбинација со аксесоари во истата нијанса, како прекрасен шешир со широк обод и панделка, салонки од превртена кожа и „clutch“ чанта. Носела и скапоцени обетки од сафир и дијаманти кои некогаш ѝ припаѓале на принцезата Дајана.