Ана Ивановиќ е повторно бремена: Поранешната тенисерка ја објави радосната вест на Инстаграм
Српската тенисерка Ана Ивановиќ често споделува семејни фотографии на социјалните мрежи, но најновата фотографија особено ги израдува нејзините фанови.
Имено, Ана објави дека нејзиното семејство ќе се зголеми бидејќи таа е бремена по трети пат.
На фотографијата која ја носи среќната вест, славната тенисерка позира насмеана со својот сопруг Бастијан Швајнштајгер, лежерно облечена и стилски одмерена, по што е позната и во модниот свет.
„Бастијан и јас официјално ќе бидеме надбројани“, напишала Ана во објавата.
Од почетокот на бракот со фудбалерот во 2016 година, 35-годишната Ивановиќ не престанува да го привлекува вниманието на медиумите, иако му е посветена на мирниот, семеен живот.
Ана и Бастијан заедно ги имаат синовите Лука (5) и Леон (3), а од денес јавноста знае дека оваа убавица ќе стане мајка по трети пат.
