Двајца пилоти на патнички авион на компанијата „Ethiopian Airlines“ заспале за време на лет, но сепак на крајот успеале да слетаат и никој од патниците не бил повреден.
Летот „ET343“ на 15-ти август патувал од Картум за Адис Абеба, но пилотите потонале во сон на висина од 11.277 метри. Кога требало да започнат со спуштање на аеродромот, контролата за лет повеќе не можела да стапи во контакт со нив.
„А зошто не почнал да се спушта? Затоа што пилотите заспале“
Екипажот се разбудил откако се исклучил автопилотот на авионот и се огласил алармот. Пилотите успеале безбедно да слетаат и авионот останал на пистата околу два и пол часа пред да тргне на следниот лет, пишува „Daily Mail“.
„Длабоко загрижувачки инцидент на најголемиот африкански воздушен превозник. Авионот „Boeing 737 #ET343“ на „Ethiopian Airlines“ сè уште бил на висина од 11.277 метри во моментот кога пристигнал во Адис Абеба. А зошто не почнал да се спушта? Затоа што двајцата пилоти заспале“, напишал на „Twitter“ авионскиот аналитичар Алекс Мачерас.
Deeply concerning incident at Africa’s largest airline — Ethiopian Airlines Boeing 737 #ET343 was still at cruising altitude of 37,000ft by the time it reached destination Addis Ababa
— Alex Macheras (@AlexInAir) August 18, 2022
Why hadn’t it started to descend for landing? Both pilots were asleep. https://t.co/cPPMsVHIJD pic.twitter.com/RpnxsdtRBf