Гема Скинер (33), чија ќерка е Мејзи, родила девојче и рекла дека медицинските сестри во болницата мислеле дека таа е тетка, а не баба, пренесува „Дејли мејл“.
Мајката на три деца од Амстердам истакнала дека на почетокот не сакала да ја нарекуваат 'бабо', но после раѓањето на внуката, го прифатила тоа и сега дури ѝ се допаѓа.
Скинер рекла дека одлично се забавува кога ќе излезе со својата внука и сите мислат дека таа е мајка на бебето. Има три ќерки, а најмладата, Бела има само 4 години.
„Оваа недела излегов со бебето, ми приоѓаа луѓе и ме прашуваа дали е мое. Морав да им објаснам дека таа ми е внука и беа прилично шокирани“, рекла таа.
Скинер својата најстара ќерка Мејзи ја добила во 2004-та година кога имала 16 години. Има уште една ќерка, Грејси, која има 10 години, како и најмладата Бела.
Рекла дека, кога открила дека Мејзи е бремена на 17 години, на почетокот била загрижена, сеќавајќи се на своето искуство како мајка тинејџерка.
Сега, вели дека ништо не би променила и дека Мејзи со леснотија станала мајка. Со своето момче, 19-годишниот Џек Вајтер, Мејзи на своето бебе му го дала името Лароса Меј.