Водителката Опра Винфри во четвртокот објави дека донира 10 милиони долари за да ја поддржи борбата против коронавирусот во САД, а тоа ќе вклучи и обезбедување храна за загрозените Американци.
Винфри, една од најбогатите и највлијателните Американки, тоа го објави на социјалните мрежи.
„Донирам 10 милиони долари за да им помогнам на Американците во оваа пандемија во градовите ширум земјите и во подрачјата каде што пораснав“, напишала таа.
Винфри (66) е родена во сиромашно семејство во Мисисипи. Дел од парите се наменети за обезбедување храна за најзагрозените во пандемијата, меѓу кои се и децата кои зависат од храната која ја добивале во сега затворените училишта и растат во сиромашни семејства, и за возрасните лица и невработените, чиј број драматично порасна.
„Сè уште се сеќавам на моето детство со мајка ми која земаше социјална помош и понекогаш требаше нѝ помош само за семејството да преживее. Во вакви времиња многумина се згрозени“, напишала Винфри.