Еве како да направите домашен леб без квасец: Рецепт за најмекото и највоздушесто тесто

Се прави многу брзо и едноставно, а тајната состојка која му дава мека и воздушеста текстура, во овој случај, е прашокот за пециво. 

Потребни состојки:

За ферментација:

- 280 мл. ладно млеко

- 200 гр. бело брашно

За тесто:

- 150 гр. брашно

- 25 гр. прашок за пециво

- 25 гр. путер

- 1 лажичка сол

- прстофат шеќер

Начин на подготовка:

Помешајте го млекото и брашното (280 мл. ладно млеко со 200 гр. бело брашно), па покријте го садот и оставете да отстои 30 минути.

Во друг сад измешајте ги преостанатите состојки: брашното, прашокот за пециво, путерот, солта и шеќерот, па по 30 минути додајте ги во садот каде што претходно сте ги измешале млекото и брашното. Добро промешајте додека состојките не се соединат и тестото да биде без грутки.

Загрејте ја рерната на 210 Целзиусови степени, а тавата во која ќе го печете лебот премачкајте ја со масло. За да се задржи влажноста, а тестото да биде помеко, тавата пред печењето прекријте ја со хартија за печење.

Печете 30 минути, па потоа тргнете ја хартијата за печење и оставете го лебот во рерна уште 10 минути.