На 27-ми ноември, ден пред американскиот Ден на благодарноста, една русокоса жена влегла во Волмарт во Палм Спрингс.
Таа дошла до касата, се претставила како Цици и изјавила дека само што освоила лотарија, а потоа започнала да ги плаќа сметките на луѓето за намирниците кои тие ги купиле, пренесува “CBS News”.
Никому не му било јасно што се случува и од каде дошла оваа жена, а уште повеќе останале збунети кога една девојка ѝ пришла на жената и ја замолила да се фотографираат заедно.
So @Sia paid for my groceries today thank you so much!! The heart and beautiful soul you have for paying for everyone!! I’m sorry for telling everyone once I realized who you were !! But this kindness must be acknowledged!!! pic.twitter.com/p7CMvBBQyP
— Adri Buckles (@mexican_locaaa) November 28, 2019
Во тој момент било откриено дека непознатата жена е всушност пејачката Сиа, најпозната по хитот “Chandelier”. Причината зошто никој не ја препознал веднаш лежи во нејзината љубов кон предимензионираните перики кои на црвениот тепих прекриваат добар дел од нејзиното лице, а поради кои дури ни најголемите фанови не можат на прв поглед да ја препознаат 43-годишната музичарка.
“Мило нѝ е што го направи тоа – не за да ја препознаеме туку дека навистина е добра личност”, коментирале луѓето од продавницата.
Сиа во октомври ја шокираше јавноста кога откри дека пати од ретка невролошка болест – Ехлерс-Данлос синдром. Станува збор за наследна болест на колагенот која ја карактеризира претерана подвижност на зглобовите, претерана еластичност на кожата и кревкост на сите ткива.
“Само сакав да им порачам на сите кои патат од физичка или емотивна болка дека ги сакам. Продолжете да се борите, животот е тежок. Болката ќе ве деморализира, но не сте сами”, напишала Сиа.
Таа во 2016 година, во емисијата “Carpool Karaoke” на Џејмс Корден открила дека одлучила да го крие своето лице бидејќи често музиката е засенета од изгледот на изведувачот, што таа сакала да го избегне. Одлуката да се крие од јавноста ја донела во 2014 година кога стана планетарно позната.
Освен песните кои сама ги отпеала, Сиа е авторка и на бројни хитови на Бијонсе, Кајли Миног и Ријана. Нејзината соработка со Фло Рида на песната “Wild Ones” беше на 5-тото место на листата “Billboard Top 100” и стана 10-та најпродавана песна за 2012 година во светот.
Not everyone has the funds to do this ... but everyone can do something nice for someone else , same thing ... and those that do this know how good it feels to help someone . @Sia clearly knows the feeling . It's people like her that make this world a fit place to live .
— Steve Williams (@steve2010201) November 29, 2019
WONDERFUL lady! I think what she's doing here is beautiful. I wish her all kinds of great blessings in her life. I wish I could do something like that, too. I only bought groceries once for a homeless man on the street (including dog food for his dog). All should help in some way
— Linda Lovecraft (@LindaLovecraft) November 29, 2019