Наоми Осака победи во родниот град Осака!

Макфакс

22/09/2019

12:04

524

Големина на фонт

а а а

Поранешната светска тенисерка број 1, Наоми Осака го прекина постот со титули, откако триумфираше на Пан пацифичкиот опен во Осака, Јапонија со 6:2/6:3 победа над Русинката Анастасија Пављученкова.

Ова е прва титула за Осака по триумфот на Австралија опен во јануари, и до неа стигна за само 70 минути, доминирајќи на свој сервис (ги освои сите 20 поени на прв сервис) и комплетирајќи го мечот со три брејка и само 12 неизнудени грешки.

„Навистина е посебно да се победи тука во градот каде што сум родена. Домашната публика ми даде сила да играм постојано цела недела“, изјави Осака.

Пред оваа недела, 21-годишната Јапонка немаше поминато четврт-финале на турнир од април. Таа во саботата победи во два меча, триумфирајќи над Јулија Путинцева и Елизе Мертенс и го комплетираше турнирот без ниту еден загубен сет.



Спонзорирани линкови

Маркетинг