Принцезата Хаја бинт ал Хусеин, најмладата сопруга на шеикот Мухамед бин Рашид ал Мактум, лидер на Дубаи, доаѓала пред 12 години во Хрватска и се дружела со денешниот градоначлник на Загреб, Милан Бандиќ, и тогаш веќе поранешниот хрватски премиер Златко Матеш.
Принцезата Хаја тогаш престојувала во претседателскиот апартман во хотелот "Шератон", а хотелските работници ја фалеле дека немала посебни барања и дека е многу симпатична и мила.
Со Милан Бандиќ вечерала во "Шератон". Почнале со супа од препелица, а потоа штрукли, специјалитет на хрватската кујна.
Потоа на масата дошле кнедли од моцарела со печен зеленчук. Имало и палачинки од зеленчук, компири, а за крај и гибаница.
The princess in question is Haya bint al Hussein, half-sister to the king of Jordan and Oxford-educated equestrienne with Olympic credentials, who is a glossy fixture on the circuit of iconic British society events. https://t.co/BZglMnTK9P
— Los Angeles Times (@latimes) July 4, 2019
Принцезата не јаде црвено месо, но ни риба, ниту морски плодови.
Ден по вечерата со Милан Бандиќ, принцезата Хаја бинт ал Хусеин го напуштила Загреб и одлетала во Велика Британија. Пред летот појадувала само кроасан, малку свежо овошје и испила цеден сок. Рекла дека можеби еден ден ќе се врати во Хрватска и дека би сакала со семејството да крстари по Јадранот.
Дванаесет години подоцна, сопругата на еден од најбогатите луѓе на светот се крие во Европа и стравува за својот живот. Кога слушнала дека нејзиниот сопруг ја киднапирал, мачел и заробил својата родена ќерка, принцезата Латифа, која ја има со првата сопруга, одлучила да побегне.
Потсетуваме, принцезата Латифа исчезнала пред нешто повеќе од една година, но пред исчезнувањето снимила видео во кое јасно порачува: Се плашам за својот живот.
