Иако кралската палата досега одбиваше да го открие приближниот датум за раѓањето на детето на Хари и Меган, средбата со локалното население во Биркенхед толку ја разнежни војвотката од Сасекс што ѝ излета од уста датумот за породување.
Меган попатно откри дека е бремена веќе шест месеци, па ѝ излета дека таа треба да се породи во април додека локалното население на Биркенхед ѝ посака сѐ најдобро.
За првата обврска за оваа година, која ја одработи со Хари, 37 годишната Меган облекла црвен капут и виолетов фустан.
Досега се шпекулираше дека бебето треба да пристигне во март оваа година. Но, експертите според големината на нејзиниот стомак пресметале дека тоа е најточниот термин за раѓање на кралското бебе. Многумина исто така забележаа дека во последно време Меган не ја носи стандардната фризура, туку дека практикува неуредна пунџа.