Јужна Кореја сака траен мир со Северна Кореја

Макфакс

19/11/2026

11:11

109

Големина на фонт

а а а

Јужнокорејскиот претседател Ли Џе Мјунг изрази надеж за обновување на дијалогот со Северна Кореја што ќе овозможи преговори за траен мир на Корејскиот Полуостров, потенцирајќи ја важноста на мирот и стабилноста за регионот.

Јужнокорејскиот претседател Ли Џе Мјунг изрази надеж дека обновувањето на дијалогот со Северна Кореја ќе овозможи преговори за завршување на Корејската војна и воспоставување траен мир. Тој ја испрати пораката во своето обраќање до лидерите на Азиско-пацифичките земји во Кина, објави Ројтерс.

На самитот на Азиско-пацифичката економска соработка (АПЕК) во Шенжен, Ли нагласи дека мирот и стабилноста на Корејскиот Полуостров се клучни за напредокот на целиот регион. Неговиот кабинет, исто така, наведува дека ги поканил членовите да соработуваат и активно да се вклучат.

Изјавата на Ли претходи на трилатералниот состанок на лидерите на Русија, Кина и Соединетите Американски Држави што ќе се одржи на маргините на АПЕК. Аналитичарите очекуваат нуклеарната програма на Северна Кореја и санкциите против Пјонгјанг да бидат некои од главните теми на состанокот.

Јужнокорејскиот советник за национална безбедност, Ви Сунг-лак, вчера на прес-конференција изјави дека кинескиот претседател Шји Џјинпинг потврдил во разговор со Ли дека Пекинг ќе даде конструктивен придонес за постигнување мир на Корејскиот Полуостров. Разговорот се одржал на маргините на самитот.

Ли се сретна и со канадскиот премиер Марк Карни на самитот. Двајцата лидери се согласија да соработуваат за воспоставување стабилни и меѓусебно корисни синџири за снабдување со енергија, соопшти канцеларијата на Ли.