[ВИДЕО] Сакал да сними октопод, а тој му ги обвиткал пипките околу вратот и почнал да го стега: Агонијата траела повеќе од минута

Точка

18/11/2026

11:09

896

Големина на фонт

а а а

Вистинска подводна борба за живот, според описот на снимката, се одвивала откако нуркач вознемирил октопод, кој потоа цврсто му ги обвиткал пипките околу вратот.

Овој необичен настан наводно се случил минатата година во водите на рускиот Далечен Исток, поточно во Приморскиот Крај. На видеоснимката, која набрзо станала вирална на социјалните мрежи, е прикажан моментот кога нуркач му се приближува на морското животно скриено во пукнатина меѓу карпите. Автентичноста на снимката, сепак, не е потврдена.

Одбранбена реакција

Се претпоставува дека нуркачот сакал само да го сними однесувањето на октоподот, но навидум безопасното снимање за миг се претворило во грчевита борба за опстанок.

Според описот на настанот, октоподот најпрвин реагирал одбранбено, испуштајќи облак од црно мастило за да се скрие и да избега. Потоа се прилепил за нуркачот и почнал силно да го стега.

Иако нуркачот се обидувал да го одвои од раката, животното уште поцврсто се прилепувало за него. Набрзо се придвижило кон неговата глава и со сите осум пипки му го обвиткало вратот. Во паничен обид да се спаси, нуркачот запливал кон површината, пишува „Daily Star“.

Поделени реакции во јавноста

Ниту излегувањето на површината не донело олеснување. Наместо конечно да земе воздух, нуркачот продолжил да се бори со октоподот, кој му ги стегал лицето и вратот, додека пипките му допирале до устата. Според објавениот опис, агонијата траела повеќе од една минута пред да успее да се ослободи од неговиот стисок.

Не е познато што се случило со октоподот, а останува непотврдена и автентичноста на видеото. Многумина во коментарите забележале дека е необично некој само неподвижно да набљудува и да снима додека нуркачот е во опасност. Поради тоа се појавија и сомнежи дека снимката е создадена со вештачка интелигенција.