Пресврт во големата технолошка афера: Џенсен Хуанг сака да се врати на чело на „Nvidia“

Точка

16/11/2026

17:15

1.481

Големина на фонт

а а а

Џенсен Хуанг размислува да се врати на функцијата извршен директор на „Nvidia“ и за таа можност разговарал со блиски соработници, објави во неделата „Financial Times“, повикувајќи се на извори запознаени со ситуацијата.

Еден од соработниците на Хуанг за „Financial Times“ изјавил дека формираат своевиден „кризен тим“ составен од раководители од Силициумската долина, кој ќе лобира за враќање на поранешниот прв човек на „Nvidia“. Тие ќе се обидат да обезбедат поддршка и од Белата куќа.


„Сите што имаат влијание во технолошкиот сектор го сакаат Џенсен, со исклучок на раководителите на водечките лаборатории за развој на вештачка интелигенција“, рекол неименуваниот соработник, додавајќи дека и самиот Хуанг ги поддржува нивните напори.


Веста доаѓа неколку дена откако „Financial Times“ објави дека управниот одбор на „Nvidia“, во потрага по можен наследник на Хуанг, стапил во контакт со Рене Хас, извршниот директор на британскиот производител на чипови „Arm Holdings“.


Од „Nvidia“ не одговориле веднаш на барањето за коментар, кое било испратено надвор од редовното работно време.