Во соопштението на Клиниката се наведува дека Грах поднела оставка во четврток, 12 ноември, по смртта на пациент минатиот месец, за што полицијата приведе четворица медицински техничари како дел од истрагата што сè уште е во тек.

Градоначалникот Томислав Томашевиќ  на почетокот на седницата на Градското собрание на Загреб извести и за оставката на директорката на психијатриската клиника, велејќи дека тоа го прави предлогот за нејзино разрешување, за кое Градскиот совет на Дрито побара да се вклучи на дневен ред по итна постапка, ирелевантен.

Министерката за здравство Ирена Хрстиќ,, по прелиминарните наоди од здравствената инспекција во четвртокот изјави дека очекува Градот Загреб, како основач на Клиниката, да го санкционира раководството и да го разреши Управниот одбор поради непочитување на пропишаните протоколи за справување со итни ситуации.

Инспекцијата утврди неправилности

Здравствената инспекција утврди неправилности во документацијата за физичкото ограничување на пациентот, а надзорот продолжува со цел да се утврдат сите околности на неговата смрт, вклучително и евентуалната одговорност на директорот и Управниот одбор, објави Министерството за здравство.

Кристијан Јосип Периш (32) почина на 21 октомври во Психијатриската клиника „Свети Иван“ откако доживеа срцев застој за време на физичко врзување. Според увидот, дополнителните процедури за врзување не биле спроведени во согласност со пропишаниот протокол.

Четири медицински техничари од Клиниката се притворени под сомнение за тешко убиство на Периш. Тие се осомничени дека го врзале пациентот со физичка сила и му нанеле повеќекратни повреди од кои починал.

Извор: „tportal.hr“.