Пратеникот од СДСМ, Фатмир Битиќи, на Надзорната расправа побара пауза поради изнесени лаги од страна на Мицкоски за ситуацијата со Алта банка и истакна потреба од откривање на вистината.
Пратеникот од СДСМ, Фатмир Битиќи, на денешната Надзорна расправа за причините за воведувањето администрација во Алта банка АД Битола побара 45 минути пауза, поради, како што рече, лагите изнесени од страна на Мицкоски за Алта банка.
„Барам процедурално затоа што иако Надзорната расправа требаше да биде институт во којшто ќе се обзнани вистината пред јавноста, во претходниот исказ на сведокот слушнавме низа на невистини затоа што се мафташе со некои списоци. Во меѓувреме ги извадивме записниците и затоа барам барам 45 минути пауза за да се обзнани вистината. Вистината којашто некој сакаше да ја покаже пред јавноста, а тоа е лагата“, рече Битиќи.
