Мет Дејмон и неговата 20-годишна ќерка Изабела заедно пристигнаа на доделувањето на модните награди CFDA, одржано на 2 ноември во Американскиот природонаучен музеј во Њујорк.

Мет Дејмон и Изабела на доделувањето на наградите CFDA во Њујорк

За Изабела, која неодамна потпиша со манекенската агенција IMG Models, вечерта беше уште едно појавување во светот на модата. Пред фотографите позираше покрај татко ѝ во долг, светол плетен фустан со впечатливи реси на ракавите и по долниот раб. Изгледот го дополни со металик чанта и црни чевли со ремчиња.

Дејмон избра црн двореден костум со ролка. Актерот имаше и улога на презентер на церемонијата: заедно со Тремејн Емори му ја додели наградата за американски дизајнер на годината за машка облека на Ралф Лорен.

Изабела избра светол плетен фустан со долги реси

Советите одат во двата правца

Во разговор за People, таткото и ќерката се пошегуваа дека и двајцата тешко остануваат сериозни кога одговараат на прашања. Изабела му забележа дека одамна му дава совети, а Дејмон се согласи со неа.

Холивудскиот актер потоа зборуваше за гордоста што ја чувствува додека ја гледа како го избира сопствениот пат. Ја опиша како прекрасна млада жена и рече дека со нетрпение очекува да види што ќе направи во животот.

Извор: People, InStyle и CFDA.

Насловна фотографија: доставена до редакцијата.