Шестмина фудбалери на Барселона не се на располагање за вечерашниот дуел со Астон Вила во Лигата на шампионите, наведува клубот во официјалната најава. На списокот се Чави Еспарт, Ерик Гарсија, Дани Олмо, Андреас Кристенсен, Жил Кунде и Руни Барџи.

Отсуствата особено го ограничуваат изборот на Ханси Флик во последната линија. Натпреварот на „Камп Ноу“ почнува во 21:00 по Скопје.

Кристенсен на тренингот на 1 ноември. Фото: Marc Graupera / FC Barcelona

Вила со три победи од три натпревари

Барселона има шест бода по победите над Феенорд и Галатасарај и поразот од ПСЖ. Астон Вила пристигнува со максимални девет бода и е втора во лигашката фаза.

И Унаи Емери има отсутни: Амаду Онана, Матео Руџери и Арон Ван-Бисака не се на располагање за гостувањето.

Ова ќе биде прв натпревар меѓу клубовите во официјална конкуренција по Суперкупот на Европа во јануари 1983 година.