Против брчки, уморен изглед и темни дамки: Три состојки поради кои не можете да погодите колку години има Амал Клуни

Амал Клуни е позната по својот елегантен стил, бујната коса и природната убавина, а една од нејзините најголеми предности е блескавата, негувана кожа и беспрекорниот тен.

Бидејќи ретко дава интервјуа, особено на тема убавина и нега, не е познато како познатата адвокатка и сопруга на Џорџ Клуни се грижи за својот изглед. Сепак, „InStyle“ пишува дека пред неодамнешното доделување на наградата „Albie“, што таа и нејзиниот сопруг Џорџ Клуни го организирале во чест на борците за човекови права, користела производи од нејзиниот омилен бренд „Charlotte Tilbury“.

Меѓу нив особено се издвоил „Magic Serum Crystal Elixir“, серум за нега на кожата, чиј автор е Шарлот Тилбери, козметички експерт, поранешна шминкерка и блиска пријателка на брачниот пар Клуни.

Сепак, многу поинтересно од познатото име поврзано со овој производ е да се погледне што всушност содржи неговата формула и каква улога имаат тие состојки во негата на кожата. Доколку не можете да си дозволите токму ваков серум, побарајте ги неговите состојки во некој друг производ и можеби пријатно ќе се изненадите од ефектот!

Според пишувањето на магазинот „InStyle“, формулата на овој серум се потпира на три состојки кои често се користат во производите наменети за хидратација, изедначување на тенот и ублажување на видливите знаци на стареење.

На прво место е ниацинамидот, форма на витаминот Б3, кој има повеќекратна улога во негата на кожата. Тој може да помогне во зајакнувањето на кожната бариера, намалувањето на загубата на влага и изедначувањето на тенот, а кај многумина придонесува порите да изгледаат помалку изразени, како и темните дамки, доколку се користи редовно.

Меѓу состојките е и полиглутаминската киселина (PGA), позната по тоа што ја привлекува и задржува влагата на површината на кожата. Благодарение на неа, кожата може да изгледа похидрирана, пополна и помазна, додека ситните линии стануваат помалку забележливи. Инаку, PGA често се споредува со хијалуронската киселина, но нивното дејство зависи од формулацијата и начинот на кој состојките се комбинираат со останатите компоненти на производот. Затоа не може да се каже која од овие состојки е поефикасна, но госпоѓа Клуни, во секој случај, очигледно ѝ дава предност на полиглутаминската киселина.

Тука е и витаминот Ц, една од попознатите состојки во препаратите за посјаен и поизедначен тен. Бидејќи е антиоксиданс, тој помага во заштитата на кожата од оксидативен стрес, а докажано е дека одредени форми на витаминот Ц можат да придонесат за намалување на хиперпигментацијата, како и да ја поттикнат синтезата на колаген.

Се разбира, резултатите зависат од концентрацијата, стабилноста на формулата и од тоа дали витаминот Ц се користи редовно.