Жозе Мурињо најави промени во составот за гостувањето во Атина, објаснувајќи ги одлуките по неделната победа на Реал Мадрид со 3:0 против Расинг. Португалецот посочи дека дел од фудбалерите што играа во Сантандер ќе бидат на клупата во среда.

Според неговото објаснување, токму затоа немало потреба сите тие играчи порано да бидат заменети. Тренерот размислува за три или четири промени во европскиот натпревар, во недела во која Реал повторно има првенствен меч во сабота.

Белингам на натпреварот против Расинг. Фото: Реал Мадрид / Давид С. Бустаманте

Пофалби за самодовербата и одбранбената работа

Мурињо оцени дека тимот напредува и игра со висока самодоверба. Посебно ја истакна ангажираноста на офанзивците, вклучувајќи ги одбранбените акции на Белингам и Диоманде и притисокот на Мбапе.

Тој го пофали и настапот на Трент Александер-Арнолд. Иако беше задоволен од победата, смета дека Реал можел да постигне повеќе голови со создадените шанси.