Триесет и деветгодишен маж од Скопје бил приведен откако физички ја нападнал сопругата, ѝ се заканувал и ја избркал од семејниот дом во скопската општина Гази Баба.
Според информациите од Министерството за внатрешни работи, инцидентот се случил на 31 октомври, околу 17:30 часот, во семејниот дом, по што случајот бил пријавен во полиција.
Полициски службеници од Единицата за насилен криминал при СВР Скопје го лишиле од слобода М.М. (39) во 21:55 часот, во Полициската станица Кисела Вода.
Според пријавеното, неговата 39-годишна сопруга и во изминатите години била изложена на психичко и физичко малтретирање од негова страна.
Од МВР информираат дека по целосно документирање на случајот ќе следува соодветна пријава.
