Варшава е зафатена од сериозна политичка и институционална криза откако група судии, во присуство на полициски сили, иницираа смена на раководството на Уставниот суд.
Полската опозиција ја обвини владата на премиерот Доналд Туск за обид насилно да преземе една од најважните институции во земјата, додека претседателот Карол Навроцки го прекина патувањето во Сенегал и веднаш се врати во земјата.
KAROL NAWROCKI. https://t.co/2SJm7fUnh5
— Marcin Dobski (@szachmad) October 31, 2026
Пред судот во Варшава избија протести и судири меѓу демонстрантите и полицијата.
Заменик-претседателот на полскиот Сејм, Марчин Хорала, остро го критикуваше премиерот Доналд Туск за настаните во Уставниот суд, оценувајќи дека постапките на актуелната влада сериозно го загрозуваат институционалниот поредок во земјата.
İnanılmaz görüntüler... Polonya Cumhurbaşkanı darbeci güçler ile karşı karşıya!
Polis, Polonya Cumhurbaşkanı Karol Nawrocki'nin geçişine izin vermiyor. Cumhurbaşkanı, demir parmaklıklara tırmanarak polis bariyerini aşıyor.
Nawrocki, 2025'te %51 oy ile cumhurbaşkanı seçildi. https://t.co/C2PJ72MsGP
— Gaffar Yakınca (@GaffarYakinca) October 31, 2026
„Тој изврши напад врз Уставниот суд. Ова ја сведува Полска на ниво на ’банана-република‘“, напиша Хорала на социјалните мрежи.
Неговата реакција уследи по драматичните настани во петокот, 30 октомври, кога судијката Ана Корвин-Пјотровска објави дека го презема раководењето со Уставниот суд, а претседателот на таа институција, Богдан Свјенчковски, и неговиот заменик, Бартломјеј Сохањски, се привремено отстранети од функцијата.
Известувањето за нивната суспензија се појави и на веб-страницата на Уставниот суд, но претходното раководство ја оспори законитоста на таа одлука, тврдејќи дека станува збор за незаконско преземање на институцијата.
🚨 CHAOS IN POLAND: Court chief cuts through gate chains as president rushes back to Warsaw!
In extraordinary scenes outside Poland’s Constitutional Tribunal, its disputed chief, Bogdan Święczkowski, attempted to enter the building with opposition lawmakers. A locksmith cut through the gate’s metal fastening, but police still blocked access to the building.
Meanwhile, President Karol Nawrocki has landed in Warsaw after turning his plane around mid-flight to Senegal as the constitutional crisis escalates.
Opposition leaders accuse PM Donald Tusk’s government of attempting a “coup.” The government says it is restoring the rule of law.
Poland’s two political camps are now openly clashing over control of one of the country’s highest courts.
— NEXTA (@nexta_tv) October 30, 2026
Во соопштението објавено по налог на Уставниот суд на социјалната мрежа „Икс“, се наведува дека Свјенчковски останува претседател, а Сохањски потпретседател на судот, при што се упатува обвинување дека учесниците во нивната смена вршат кривично дело – државен удар.
Сериозноста на конфликтот ја потврди и одлуката на полскиот претседател Карол Навроцки да го прекине патувањето во Сенегал и да нареди враќање на претседателскиот авион во Варшава.
„Во ваков момент, претседателот мора да биде во Полска. Го откажувам летот за Сенегал. Се враќам“, изјави Навроцки.
Според изјавите доставени до медиумите, полскиот претседател ги оцени случувањата во Уставниот суд како насилно преземање на една уставна институција, доведувајќи ја во прашање нивната законитост.
🚨 JUST IN: Polish President Karol Nawrocki just went INSIDE the country's highest constitutional court and told the pro-EU tyrants to SHOVE IT, they are NOT the legitimate judges and their takeover is DONE
"You are not judges of the Constitutional Tribunal!"
🔥🔥🔥
This is the elected President of Poland personally standing up to an attempted takeover of the country's top constitutional court.
INCREDIBLE!!
Donald Tusk's camp tried to declare the Tribunal's leadership "suspended" and sent police to the building. Nawrocki flew home and walked right inside, and he is not backing down.
Go get 'em, Mr. President! 🇵🇱🇺🇸 https://t.co/uX64Zm1Aca
— Eric Daugherty (@EricLDaugh) October 31, 2026
„Уставниот државен орган беше насилно преземен. Се консултирав со првиот претседател на Врховниот суд, судијата Збигњев Капињски, кој исто така смета дека постапките на оние што ја узурпираат власта во Уставниот суд не се законски“, се наведува во изјавата на полскиот претседател.
Според извештаите на полските медиуми, Капињски оценил дека ваквите настани се без преседан во една демократска правна држава и дека покренуваат сериозни прашања во однос на уставноста на преземените мерки.
Во исто време, стотици демонстранти се собраа пред зградата на Уставниот суд, меѓу кои и поддржувачи на опозициската партија „Право и правда“.
Полицијата распореди дополнителни сили, а за време на протестот беа урнати огради и кон полициските службеници беа фрлани предмети. Според извештајот на „Асошиејтед прес“, приведени се три лица.
Варшавската полиција соопшти дека нејзините припадници постапувале во согласност со своите законски овластувања, со цел заштита на јавната безбедност, отфрлајќи ги тврдењата дека со својата интервенција ја попречиле работата на Уставниот суд.
Притисокот врз полскиот премиер дополнително се зголеми откако пратеничката во Европскиот парламент, Ева Зајончковска-Херник, побара оставка од Туск, оценувајќи дека актуелната влада сноси политичка одговорност за настанатата криза.
Сепак, Туск ги отфрла обвинувањата на опозицијата и тврди дека неговата влада се обидува да го врати владеењето на правото по владеењето на партијата „Право и правда“.
„Враќањето на владеењето на правото е наша должност. По години беззаконие под власта на ’Право и правда‘, ова е тежок, понекогаш и болен процес кој бара одлучни дејствија. Друг начин не постои“, напиша Туск на социјалната мрежа „Икс“.
Во коренот на актуелниот конфликт лежи повеќегодишен спор околу составот и законитоста на работата на Уставниот суд.
Владата на Туск го оспорува начинот на кој биле избрани одредени судии за време на претходната власт, додека опозицијата и претседателот Навроцки сметаат дека актуелното парламентарно мнозинство се обидува да преземе контрола врз судството.
