Маж од Франција починал на Клиниката за кардиохирургија во Скопје откако бил донесен во тешка здравствена состојба. Телото е предадено на обдукција согласно насоките на јавниот обвинител.
Вчера во 10:04 часот во СВР Скопје, од Комплекс клиники „Мајка Тереза“ во Скопје е пријавено дека на Клиниката за кардиохирургија починал Б.Х.Г.В.П.(72) од Франција.
Според полицијата тој бил со престој во хостел на подрачјето на Бутел а претходниот ден бил донесен во тешка здравствена состојба.
По насока на јавен обвинител, телото на починатиот е предадено во Судската медицина за обдукција.
