Четири лица загинаа, а 11 се повредени кога воен хеликоптер на мисијата ЕУФОР се урна во селото Горице, во близина на Брчко, во Босна и Херцеговина.

Меѓу загинатите има двајца припадници на италијанските вооружени сили и двајца припадници на италијанскиот воен Црвен крст. Според последните информации од ЕУФОР, сите повредени се во стабилна состојба.

Девет од повредените добиле медицинска помош во Брчко, додека двајца се пренесени во болница во Тузла.

Италијанскиот министер за одбрана за жртвите

Гвидо Крозето ги соопшти имињата на четирите жртви и најави дека ќе ги посети повредените војници во Босна и Херцеговина.

Крозето потврди дека загинатите се наредниците од италијанските воздухопловни сили, Симоне Руџа и Клаудио Маркези, како и поручникот Франко Адријано Зекило и наредникот Лаура Прокачи од Доброволниот воен корпус на Италијанскиот црвен крст.

„Ја споделуваме тагата на семејствата кои ги загубија своите најблиски – поединци кои ги дадоа своите животи служејќи ѝ на Италија, на одбранбениот сектор и на војската“, напиша италијанскиот министер за одбрана.

Реакции од италијанската власт и Европската унија

Италијанската премиерка Џорџа Мелони изјави дека е длабоко потресена од несреќата.

La notizia del tragico incidente che ha coinvolto un elicottero italiano di EUFOR in Bosnia-Erzegovina è motivo di profondo dolore.
Il mio pensiero va alle vittime, alle loro famiglie e a tutti coloro che, impegnati nella missione per la pace e la stabilità della regione, stanno vivendo ore di angoscia. A loro va la mia più sincera vicinanza e quella del Governo italiano.

— Giorgia Meloni (@GiorgiaMeloni) October 29, 2026

„Длабоко сум потресена од веста за трагичната несреќа во која учествуваше италијански хеликоптер на ЕУФОР во Босна и Херцеговина. Моите мисли се со жртвите, нивните семејства и со сите оние кои минуваат низ овој тежок период додека се во мисија за мир и стабилност во регионот. Им изразувам длабоко сочувство и поддршка, во мое име и во име на италијанската Влада“, рече Мелони.

I am deeply saddened by the loss of lives in an @EUFORAlthea helicopter crash near Brčko, Bosnia and Herzegovina.

My thoughts are with the victims, their families and all those affected. EUFOR personnel serve every day to support peace and stability in Bosnia and Herzegovina, their work remains vital.

I have conveyed my heartfelt condolences to @Antonio_Tajani and @GuidoCrosetto. Europe stands in full solidarity with Italy at this difficult time.

We remain in close contact with the EUFOR Commander and our EU representatives on the ground.

— Kaja Kallas (@kajakallas) October 29, 2026

Каја Калас изрази сочувство
Високиот претставник на Европската унија за надворешни работи и безбедносна политика, Каја Калас, изрази сочувство до семејствата на жртвите и до италијанските власти. „Длабоко сум потресена од веста за загубата на животи при падот на хеликоптер на мисијата ЕУФОР „Алтеа“ во близина на Брчко, во Босна и Херцеговина“, напиша Калас на социјалната мрежа Икс.

Profondamente addolorato, sono vicino alle nostre forze armate per la tragedia accaduta in Bosnia. Un pensiero ai familiari delle vittime. Una terribile disgrazia che scuote il cuore di tutti gli italiani. L’Ambasciatore d’Italia a Sarajevo si sta già recando a Brcko, luogo dell’incidente. Il Ministero degli Esteri fornirà tutto il supporto necessario. Una preghiera per i nostri caduti e i nostri feriti nell’adempimento del dovere.

— Antonio Tajani (@Antonio_Tajani) October 29, 2026

Италијански министер: Длабоко сум потресен
Италијанскиот заменик-премиер и министер за надворешни работи, Антонио Тајани, се огласи по повод несреќата. Во објава на социјалната мрежа Икс, неколку часа по падот на леталото, тој изрази сочувство до семејствата на жртвите. „Длабоко сум потресен и им ја давам целосната поддршка на нашите вооружени сили по трагедијата во Босна. Моите мисли се со семејствата на жртвите. Ова е ужасна несреќа која го погодува секој Италијанец право во срцето“, напиша Тајани.