Шумските служби во Западен Бенгал успеале повторно да спојат слоница и нејзиното малечко, кои се разделиле при спасување од резервоар за вода.
Седум часа потрага завршиле со средбата што ја чекале спасувачите: слоница повторно го пронашла своето малечко во Курсеонг, во индиската сојузна држава Западен Бенгал.
Според објавата на службеникот на индиската шумска служба Парвин Касван, двете животни паднале во резервоар за вода. Екипите успеале да ги извлечат, но при интервенцијата малечкото се разделило од мајката.
Тогаш почнала нова задача — да ја пронајдат слоницата и безбедно да ги спојат. По седум часа, трудот на шумските служби дал резултат.
На снимката, спасувачите го пуштаат малечкото кон шумата. Од дрвјата се појавува возрасен слон, а потоа пристигнува и стадото. Мајката му приоѓа на малечкото и го поведува со себе.
Видеото е објавено на 25 октомври. Касван ги пофалил вработените во шумската служба во Курсеонг за успешното повторно спојување, пренесува NDTV.
