Новиот „Hyundai Tucson“ веќе покажа дека би можел да стане најпопуларната генерација на овој SUV досега.

Според порталот „The Korean Car Blog“, во првиот ден од продажбата биле забележани дури 15.045 преднарачки, што е повеќе од досегашниот рекорд од 10.842 нарачки, колку што собрала четвртата генерација при претставувањето во 2020 година.

Купувачите најчесто го избирале најбогатиот пакет опрема, на кој отпаѓаат 44 отсто од преднарачките, додека основната верзија го зазела второто место со удел од 33 отсто.

Сосема поинаков дизајн и повеќе простор

Петтата генерација на „Tucson“ носи радикален пресврт во дизајнот. Острите линии и поинаквите пропорции јасно го издвојуваат од претходникот.

Новиот модел е подолг за околу 5,8 сантиметри, поширок за четири сантиметри и повисок за приближно два сантиметри, па нуди повеќе простор за патниците.

Промените се видливи и во кабината, во која „Hyundai“ го воведува новиот мултимедијален систем „Pleos“. Во понудата е голем екран од 17 инчи, додека пред возачот се наоѓа посебен екран од 9,9 инчи, поставен така што информациите да бидат во неговото видно поле.

И покрај сè поголемото потпирање на дигиталните функции, „Hyundai“ ги задржал физичките команди, што би требало да го олесни управувањето со најважните функции во текот на возењето.

И актуелниот „Tucson“ бележи раст на продажбата

Иако новата генерација веќе привлече големо внимание, ниту актуелниот „Tucson“ не ја губи популарноста.

„Hyundai“ во текот на 2026 година досега продал 181.687 примероци од овој СУВ, што претставува раст од 10 отсто во однос на истиот период минатата година.

Во третиот квартал продажбата пораснала за 32 отсто.