Претседателот на Белорусија, Александар Лукашенко, истакна дека ниту Белорусија ниту Русија немаат потреба од војна, но мора да бидат подготвени за неа, нагласувајќи ја важноста на заедничката одбрана и помошта од Москва во контролата на границите.
Претседателот на Белорусија, Александар Лукашенко, денес за време на средбата со рускиот министер за одбрана Андреј Белоусов изјави дека ниту на Белорусија ниту на Русија им е потребна војна на западниот фронт.
„Се подготвуваме за војна, но правиме сè што е можна за да ја избегнеме. Ниту нам, ниту на вас ни е потребна. Сепак, за да се спречи тоа да се случи, секогаш мора да се биде подготвен. Затоа нашите заеднички сили во западен правец секогаш ќе бидат потребни и тие денес се во добра состојба“, рече Лукашенко.
Лукашенко ѝ се заблагодари на Москва за помошта во воспоставувањето контрола со употреба на разни технички средства по периметарот на Федералната држава, особено по нејзините граници со Украина и западните земји.
