Настанот бил посветен на собирање средства за борба против ракот, а младата Керис била една од главните ѕвезди на вечерта.

Елегантно издание и посебна поврзаност со Шпанија

За појавувањето на црвениот килим, Керис избрала исклучително елегантен фустан во раскошна рубинскоцрвена нијанса.

Фустанот е украсен со стаклена мониста, а зад неговиот дизајн стои познатиот шпански моден бренд „Редондо Бренд“. Со својот едноставен, но истовремено гламурозен стил, таа покажа префинет моден вкус и природна елеганција.

Шпанија, инаку, има посебно место во нејзиното срце. Семејството Даглас го поседува луксузниот имот „С’Естака“ на Мајорка, каде што поминува значителен дел од годината, па Керис во оваа земја секогаш се чувствува како дома.

Образование и први чекори во светот на актерството и модата

Керис е ќерка на славниот актерски пар, па не е изненадување што уште од мали нозе е навикната на медиумско внимание. Откако дипломирала филмска уметност и меѓународни односи на престижниот Универзитет Браун, одлучила да изгради сопствена кариера.

Денес сè повеќе се пробива во светот на шоу-бизнисот како млада актерка и манекенка, јасно покажувајќи дека планира да ги следи успешните стапки на своите родители.

Со својата самоуверена појава и чувство за стил, Керис полека, но сигурно го освојува светот на модата и филмот.