Семејството во саботата, на 10 октомври, присуствувало на настан во музејот „Пејли“, посветен на серијата „Tulsa King“ (Кралот на Тулса), во која заедно глумат Сталоне и неговата ќерка, пишува магазинот „Хелоу“.

Скарлет го привлекла вниманието во златен фустан

За оваа пригода, 80-годишниот актер избрал син костум, додека неговата 24-годишна ќерка Скарлет блеснала во фустан во златна боја. Џенифер Флавин (58) се одлучила за елегантна црно-бела комбинација.

Скарлет носела сатенски миди фустан во боја на шампањ, со тенки прерамки и дискретно деколте. Го искомбинирала со класични црни чевли со отворена пета. Долгата руса коса ѝ била едноставно стилизирана, а со шминката ги истакнала очите, додека за усните и ноктите избрала нежни розови нијанси.

Силвестер носел сино карирано сако со дворедно закопчување, темносини панталони и бела кошула. Џенифер избрала црно сако врз бела маица, а комбинацијата ја надополнила со црна чанта и дискретни светкави обетки. Косата ја обликувала во раскошна фризура со многу волумен.

Таткото и ќерката заедно глумат во серијата „Кралот на Тулса“

Вечерта била посветена на серијата во која таткото и ќерката глумат заедно. Во криминалистичката драма на платформата „Парамоунт+“ Силвестер го толкува ликот на Двајт „Генералот“ Манфреди, додека Скарлет ја игра Спенсер. Нејзиниот лик во серијата првично се појавува како келнерка, а подоцна започнува да работи на имот со коњи.

Програмата на „ПејлиФест“ вклучувала претпремиерно прикажување на првата епизода од четвртата сезона на серијата. По проекцијата следувал разговор со Сталоне и остатокот од актерската екипа, при што тие зборувале за новите епизоди и развојот на дејството.

По тој повод, Силвестер и сценаристот и продуцент Теренс Винтер добиле награда од „ПејлиФест“, која им ја врачила претседателката на организацијата, Морин Џ. Рајди.

Најмладата од трите ќерки

Скарлет, родена на 25 мај 2002 година, е најмладата од трите ќерки на Силвестер и Џенифер. Нејзините постари сестри се Софија и Систин. Парот се венчал во 1997 година, а во мај годинава ја прославија 29-годишнината од бракот.

Силвестер од претходниот брак со Саша Чак го има синот Серџо, додека неговиот син Сејџ почина во 2012 година.