Литванија испраќа до 100 војници на границата со руската енклава Калининград како превентивна мерка за засилување на безбедноста поради инциденти и закани во регионот. Ангажманот на војниците ќе зависи од развојот на ситуацијата.
Литванија превентивно го засилува надзорот на границата со руската енклава Калининград, а за поддршка на граничната полиција ќе бидат распоредени до 100 војници.
Министерот за внатрешни работи Мартинас Кателијнас изјави дека побарал воена поддршка, нагласувајќи дека состојбата на границата во моментов е мирна и дека станува збор за превентивна мерка.
Министерот за одбрана Робертас Каунас го одобрил распоредувањето и најавил дека војниците ќе останат на границата неколку недели, а нивниот број и времетраењето на ангажманот ќе зависат од развојот на ситуацијата.
Како причини за одлуката министрите ги наведоа инцидентот на границата меѓу Латвија и Белорусија, каде што маскирани лица наводно се обиделе да префрлат група мигранти, како и пошироката безбедносна состојба во регионот и индициите за можна руска мобилизација.
Литванија е членка на НАТО и Европската Унија и граничи со Калининград и Белорусија, која е сојузник на Русија.
