Илијан Филипов, познат бугарски бизнисмен, беше убиен во својот дом во Пловдив. Полицијата спроведува истрага, но мотивот за убиството сè уште не е јасен, а напаѓачот не е фатен.
Бизнисменот Илијан Филипов е убиен во неговиот дом во Пловдив, Бугарија, соопшти бугарската полиција.
Според медиумските извештаи, бизнисменот бил убиен со еден истрел во главата.
Злосторството било пријавено околу 1:00 часот по полноќ. Смртта на Филипов била констатирана на самото место.
Во истрагата учествуваат службеници од Регионалната дирекција за внатрешни работи во Пловдив и од Генералната дирекција на националната полиција. На местото на настанот има силно полициско присуство.
Медиумите известуваат дека ноќеска полицијата ги блокирала излезите од Пловдив. Пред зградата се присутни голем број полициски единици и медиумски екипи.
Напаѓачот сè уште не е уапсен, а мотивот за убиството на истакнатиот бизнисмен е непознат.
