Во изјавата на Венко Филипче за ставот „прво Бугарите во Уставот, па сè друго“, опозициската партија ВМРО-ДПМНЕ ја обвинува дека тој застапува бугарски интереси наместо македонски и прашува за можно постоење на таен договор со Бугарија и ново предавство.
Изјавата на Венко Филипче – „прво Бугарите во Уставот, па сè друго“ – е доказ дека Венко Филипче е во договор за ново предавство, велат од ВМРО-ДПМНЕ.
„Венко Филипче застапува бугарски позиции наместо македонски интереси. Оттука, сосема легитимно е да прашаме: Дали постои тајна дипломатија помеѓу старите другари Зоран Заев и Румен Радев? Дали има комуникација и средби помеѓу нив? Зошто инаку Венко Филипче на тацна им дава подароци на Радев и на бугарската политика, без да го заштити македонскиот национален идентитет? Дали зад рушењето на ваквите позиции стои нов бизнис-договор?“, прашуваат од ВМРО-ДПМНЕ и додаваат дека ова се легитимни прашања на кои мора да одговори Венко Филипче.
