„Балканот е интересен во тој поглед. Кога луѓето се во своите земји, се однесуваат во стилот: ‘Е*те се сите, е*и го ова, од*би ти, од*би и ти’. Но, кога сите ќе ги ставиш во Австрија…“, вели тој низ смеа.

Како што рекол, доволно е само да соберете луѓе од различни балкански земји на иста маса.

„Стави по еден човек од секоја земја во бар и веднаш стануваат најдобри пријатели“, додал тој.

„Ние сме Балкан, ајде да направиме балканска забава“

Според неговата шеговита теорија, преминувањето на границата целосно ги менува односите меѓу луѓето.

„Одеднаш сите се: ’Еј, Балкан, ние сме Балкан, ајде да направиме балканска забава‘. Но, кога ќе ги вратиш назад, повторно почнува: ’Оној е*ан Хрват… ‘“, се пошегувал тој.

Неговиот соговорник се согласил со него и додал дека изгледа како нешто да се менува во моментот кога луѓето ќе ја преминат границата.

Мажот потоа објаснил дека во Австрија, според неговата шеговита теорија, сите имаат иста цел.

„Кога имаш среќа и висока плата, одеднаш повеќе не ти е грижа за сите тие препукувања. Сите заработуваме многу повеќе од минималната плата, па велиш: ’Ќе одиме подоцна на пиво и суши? Сега сме добри‘“, рекол тој.

„Колку си подалеку од родниот крај, толку повеќе ги забележуваш сличностите“

Снимката предизвика дискусија меѓу корисниците на социјалните мрежи, а многумина се препознаа во ваквото гледиште. Еден од нив напишал дека често се случува луѓето дури откако ќе ја напуштат својата земја да почнат повеќе да го забележуваат она што им е заедничко.

„Колку си подалеку од родниот крај, толку повеќе ти значат сличностите“, напишал еден корисник.

Други се пошегувале дека идентитетот се менува во зависност од тоа кој е „од другата страна“.

„Јас и Балканот против светот. Јас и мојата држава против Балканот. Јас и моето семејство против државата. Јас и брат ми против семејството. Јас против брат ми“, гласи еден од коментарите, кој на многумина им се допадна како духовит приказ на овие поделби.

Некои потсетиле и на ситуации во кои луѓе од различни земји од поранешна Југославија брзо се зближуваат кога ќе се сретнат во странство. Еден корисник раскажал како влегол во продавница на Малта и го запознал сопственикот, кој бил од Србија.

„Се поздравуваме и се прегрнуваме како да сме најблиски браќа, а тој веднаш почнува: ’Брате, колку ги мразам овие е*ани Французи‘“, напишал тој.

Сепак, дел од корисниците не се согласиле со идејата дека преминувањето на границата автоматски ги брише разликите. Некои посочиле дека и меѓу луѓето од дијаспората има такви кои задржуваат силно изразени национални ставови, додека други дискутирале дали овој феномен се однесува на целиот Балкан или првенствено на земјите од поранешна Југославија.

Еден од коментаторите ја сумирал дискусијата со зборовите дека „нема точен или погрешен одговор бидејќи не се сите исти“, туку станува збор за различни типови луѓе и различни лични искуства.