Лила Филиповска со емотивни зборови и фотографии му го честиташе роденденот на својот син Филип, споделувајќи со јавноста дел од нивната посебна и нераскинлива врска.
Познатата македонска водителка по повод неговиот роденден објави фотографии со синот, но и искрена порака во која ги откри чувствата што ги носи во себе како мајка. Од нејзините зборови јасно се гледа колку е горда на човекот во кој пораснал нејзиниот син, но и колку силна останала нивната блискост низ годините.
„За мене секогаш ќе останеш 'моето дете' ❤️
Јас ти го дадов името , делиме ист хороскопски знак и уживаме во музиката и во работите кои ни го разубавуваат животот! Ти си мојата сила, мојот панцир, мојот двигател и поради тебе сум она што сум ❤️
Фала ти што ме избра за твоја мајка и што никогаш не ги изневери моите очекувања… Среќен роденден Филип, моја љубов безусловна ❤️🎂🥂“, напиша Лила во објавата.
Лила во честитката се присети на бројните нешта што ги поврзуваат, а меѓу нив и фактот дека токму таа му го дала името Филип. Таа сподели и некои од нивните заеднички карактеристики, меѓу кои и истиот хороскопски знак, како и љубовта кон музиката.
Иако Филип одамна е возрасен човек, за Лила тој засекогаш ќе остане нејзиното дете – личноста која има посебно и незаменливо место во нејзиниот живот.
Со емотивната објава, водителката покажа дека зад јавниот живот и телевизиските ангажмани стои една исклучително горда мајка, која со посебна нежност зборува за својот син.
